News World Odisha
Current News Updates

ପ୍ରସ୍ତୁତ ହେଉଛନ୍ତି ଚାଷୀ

 ରବି ଚାଷ ପାଇଁ ପ୍ରସ୍ତୁତି ଆରମ୍ଭ କରିଛି ଚାଷୀ । 

0 105

Get real time updates directly on you device, subscribe now.

ଧାନ ଚାଷ ନଷ୍ଟ ପରେ ଏବେ  ରବି ଚାଷ ପାଇଁ ପ୍ରସ୍ତୁତି ଆରମ୍ଭ କରିଛି ଚାଷୀ। ବିଲରେ ବିରି, ମୁଗ, ଚଣା ଲଗାଇବା ପାଇଁ ସଜବାଜ ହୋଇଛି । ଗଞ୍ଜାମ ଆସିକା ଅଞ୍ଚଳରେ ଚାଷୀ ଧାନ ଅଗାଡ଼ି ପୋଡ଼ି ବିଲକୁ ସଫା କରୁଥିବାବେଳେ ରବି ଚାଷ ନେଇ ବିହନ ଓ ସାର ପାଇଁ ସରକାରୀ ସହାୟତାକୁ ଅପେକ୍ଷା କରିଛି । 

କେତେବେଳେ ରୋଗ ପୋକ ତ କେତେବେଳେ ବନ୍ୟା ଓ ବାତ୍ୟା ଧୋଇ ନେଉଛି ଫସଲ । ଏ ନେଇ ଚାଷୀ କୂଳ ହତାଶ ହୋଇଥିବା ସହ ଏବେ ରବି ଚାଷ ପାଇଁ ସଜବାଜ ହେଉଛି । ଏଥର ଧାନ ଫସଲ ଭଲ ଅମଳ ହୋଇଥିବାବେଳେ ଏବେଠୁ ରବି ଚାଷ ପାଇଁ କ୍ଷେତକୁ ପ୍ରସ୍ତୁତ କରୁଛି ଚାଷୀ । ଧାନ ସବୁ ଅଗାଡ଼ି ହୋଇଯାଇଥିବାରୁ ଜମିରେ ନିଆଁ ଲଗାଇ ଆଗକୁ ବିରି, ମୁଗ ଚାରା ଲଗାଇବା ପାଇଁ ସମସ୍ତ ପ୍ରସ୍ତୁତି କରାଯାଇଛି । ରବି ଚାଷ ପାଇଁ ଚାଷୀ, ଜମି ପ୍ରସ୍ତୁତ ଥିବାବେଳେ ବିହନ ପାଇଁ ସରକାରୀ ସହାୟତାକୁ ଅନାଇ ବସିଛନ୍ତି ଗଞ୍ଜାମ ଜିଲ୍ଲା ଆସିକା ନୂଆଗାଁର ଚାଷୀ ।

ତିତିଲି ପରବର୍ତ୍ତି ବନ୍ୟାରେ ଅଧିକାଂଶ ଜମିରେ ଧାନ ଫସଲ ନଷ୍ଟ ହୋଇଥିବାବେଳେ ଆଉ କିଛି ସ୍ଥାନରେ ଧାନ ଅଗାଡ଼ି ହୋଇଥିବା ଦେଖିବାକୁ ମିଳିଛି । ଧାର କରଜ କରି ଧାନ ଚାଷ କରିଥିବାବେଳେ ଋଣ ସୁଝିବା ଚିନ୍ତାରେ ପଡ଼ିଛି ଚାଷୀକୂଳ । ଏବେ ବିରି,ମୁଗ, କୋଳଥ ଚାଷ କରି ବେଶ ୨ ପଇସା ଲାଭବାନ ହେବା ପାଇଁ ଆଶା ରଖିଛି ଚାଷୀ । ସେପଟେ ଅଗାଡ଼ି ଧାନକୁ ନ ପୋଡ଼ି ଗୋଟେ ସ୍ଥାନରେ ଏକାଠି ରଖି ଖତ ଓ ସାର ଭାବେ ବ୍ୟାବହାର କରିବା ପାଇଁ ପରାମର୍ଶ ଦେଇଛନ୍ତି ଗୋଷ୍ଠୀ ଉନ୍ନୟନ ଅଧିକାରୀ ।

ବିରି, ମୁଗ ଚାଷ ପାଇଁ ବିହନଠାରୁ ଆରମ୍ଭ କରି ସାର ପ୍ରଦାନ ନେଇ ସରକାର ସମସ୍ତ ସହଯୋଗ କରିବାକୁ ଦାବି ହେଉଛି ।

Get real time updates directly on you device, subscribe now.

Comments
Loading...